Google ADS

Arrestohet një ish-punëtor i MUP-it serb

11:40 | 1 Gusht 2018
Arbresh.info

Policia e Kosovës ka arrestuar sot në mëngjes një serb nga fshati Korminjan i komunës së Ranillugut. I arrestuari është Vitomir Iliq, 58-vjeçar, i cili më herët ka punuar në Ministrinë e Punëve të Brendshme të Serbisë.

Arrestimin e serbit nga Korminjani e konfirmoi edhe zëdhënësi rajonal i Policisë së Gjilanit Ismet Hashani pa dhënë identitetin dhe motivet e arrestimit. Ai nuk dha detaje për shkaqet e arrestimit përveç tha se i njëjti është duke u intervistuar nga hetues të Policisë dhe Prokurorisë së Shtetit.

“Sot rreth orës 7 të mëngjesit në fshatin Korminjan të komunës së Ranillugut është arrestuar një serb, shtetas i Kosovës”, tha Hashani. Në arrestimin e tij kanë marr pjesë edhe njësitë speciale të Policisë së Kosovës.

Shpërndaje në rrjete sociale

Lajmet më të lexuara

Të ngjashme

Foto lajm